Það er vætanlega flestum kunnugt að Harry Bretaprins gekk að eiga sína heittelskuðu, leikkonuna Meghan Markle, í kappellu heilags Georgs í Windsor-kastala um helgina.
Sjá einnig: Stjörnurnar fjölmenntu í konunglega brúðkaupið.
Talið er að mörg hundruð milljónir manna hafi horft á brúðkaupið í beinni útsendingu og voru margir sem gerðu sér glaðan dag og buðu jafnvel í teiti með tilheyrandi veitingum í stíl við daginn. Það gerði til dæmis sælkerinn Eva Laufey:
Sem lagði mikinn metnað í veitingarnar:
Einhverjir ákváðu að fagna þessum tímamótum með Royal-búðingi, en sala á honum tók kipp í aðdraganda brúðkaupsins að sögn Kristínar J. Rögnvaldsdóttur, sölustjóra hjá John Lindsay ehf. sem á og rekur matvælaframleiðandann Agnar Ludvigsson sem framleiðir Royal-vörurnar.
„Royal tekur alltaf sölukipp við slíka viðburði og seldist vel fyrir helgi,“ segir Kristín og bætir við að karamellu- og súkkulaðibúðingarnir séu í miklu uppáhaldi hjá landanum.
„Allir eiga sinn uppáhalds Royal-búðing og karmellu og súkkulaði hafa verið söluhæstir. En vanillu sækir í sig veðrið og seldist vel fyrir helgina. Margir nota hann í ostakökur.“
Kristín segir enn fremur að mikil söluaukning hafi verið á Royal-búðingunum fyrir brúðkaup Kate Middleton og Vilhjálms Bretaprins, bróður Harry, en þau giftu sig þann 29. apríl árið 2011 í Westminster Abbey.