- Auglýsing -
„Þeir eru sannarlega í takt við tímann á Sauðárkróki,“ segir Kolbeinn Marteinsson almannatengill sem nýverið heimsótti sundlaug Sauðarkróks. Þar tók hann eftir því að í boði er búningsherbergi fyrir öll kyn og birti af því tilefni færslu á Facebook með mynd sem prýðir hið nýja búningsherbergi laugarinnar.
Aðspurður segir Marteinn sundlaugina því bjóða upp á þrjú búningsherbergi, hin hefðbundnu tvö og svo það nýja fyrir öll kyn. Hann segist þess fullviss að íbúar Sauðárkróks séu fyrstir hérlendis til að bjóða uppá slíkan búningsklefa og tekur undir með þeim sem svara færslunni að það sé vel gert hjá Skagfirðingum.