James Mattis, fyrrverandi varnarmálaráðherra Bandaríkjanna, segir Donald Trump Bandaríkjaforseta ýta undir átök og sundrungu.
Honum er misboðið vegna þess hvernig Trump kom fram við fólk sem tók þátt í friðsælum mótmælum í nágrenni við Hvíta húsið á mánudaginn. Þessu greindi hann frá í viðtali við The Atlantic magazine sem kom út í gær.
Trump hefur verið gagnrýndur fyrir viðbrögð sín við þeim mótmælum sem hafa brotist út víða um Bandaríkin vegna andláts George Floyd og er Mattis einn þeirra sem gagnrýnir forsetann. Hann segir Trump misnotavald sitt og ýta undir átök, hann bætti við að Trump gæti ekki einu sinni þóst reyna að sameina þjóðina. Mattis lýstir þá yfir stuðningi sínum við mótmælendur í viðtalinu.
Trump svaraði gagnrýni Mattis í færslu á Twitter og kvaðst hafa farið fram á uppsögn Mattis á sínum tíma. Hann sagði viðurnafn hans hafa verið „ringulreið“ og sagðist vera feginn að vera laus við hann.
Mattis lét af störfum árið 2018 þegar Trump ákvað að kalla bandaríska hermenn heim frá Sýrlandi.
Probably the only thing Barack Obama & I have in common is that we both had the honor of firing Jim Mattis, the world’s most overrated General. I asked for his letter of resignation, & felt great about it. His nickname was “Chaos”, which I didn’t like, & changed to “Mad Dog”…
— Donald J. Trump (@realDonaldTrump) June 4, 2020
Sjá einnig: Stillti sér upp með biblíuna eftir að táragasi var beitt á mótmælendur