Segir ljóst hver verði næsti forseti Íslands: „Þetta eru leið tíðindi fyrir 75 prósent þjóðarinnar“

„Nú er nokk ljóst að Katrín mun verða okkar næsti Forseti á sama tíma og Bjarni Ben er forsætisráðherra,“ segir Glúmur Baldvinsson og heldur áfram:

„Yfir þessu kætist Samherji sem borgar brúsann og Hannes Hólmsteinn og Davíð Oddsson og allt Valhallarliðið. Allir hinir vatnsgreiddu Heimdellingar með karisma á við hurðarhún.“

Hann segir þetta vera „leið tíðindi fyrir 75 prósent þjóðarinnar. Því skora ég enn og aftur á Jón Gnarr að draga framboð sitt tilbaka. Ég kysi hann ætti hann sjens en hann á ekki sjens nema þann að gera gæfumuninn og koma í veg fyrir kjör Katrínar. Jón Gnarr ég biðla til þín að gera þjóðinni þann greiða. Plís Jón.

Þá fyrst ertu þjóðhetja. Og ég biðla einnig til frænda míns Arnars að gera slíkt hið sama.“