Boris Johnson forsætisráðherra Bretlands segir veganisma vera glæp gegn ostaaðdáendum. Johnson ræddi ýmis málefni í nýju viðtali við BBC Breakfast í vikunni, meðal annars veganisma.
Breskir miðlar höfðu áður spáð því að Johnson ætlaði að taka þátt í Veganúar í janúar. Aðspurður út í þetta kvaðst Johnson ekki ætla að prófa veganmataræðið í janúar þó að hann hafi íhugað það.
„Ég velti þessu fyrir mér en þetta krefst svo mikillar einbeitingar,“ sagði Johnson og tók fram að hann dáist að þeim sem eru grænkerar.
„Ég tek ofan fyrir grænkerum sem höndla þetta og ná að sniðganga allar dýraafurðir,“ sagði Johnson sem virðist þó óviss um hvað veganismi snýst um. „Ég meina, þú mátt ekki borða ost ef þú ert vegan, er það nokkuð? Það er nú bara glæpur gegn ostaaðdáendum“.
Síðan Johnson lét þessi ummæli falla hafa grænkerar á á Twitter keppst við að ýmist gera grín af honum eða benda honum á vegan-ost sem hann ætti að prófa.
"It's a crime against cheese lovers." 🧀#BorisJohnson discusses #veganuary on #BBCBreakfast
More here: https://t.co/tDOHdBRcwQ pic.twitter.com/TvtssPywUY— BBC Breakfast (@BBCBreakfast) January 14, 2020