Selfyssingar virðast ekki vera nógu góðir í að taka tillit til hvers annars á útivistarstígum bæjarins. Vegna Covid-19 hafa íbúar áhyggjur af smitum á stígunum. Verstir þykja hjólareiðamenn í bænum.
Sigurður nokkur hefur umræðu þessa efnis í íbúagrúbbu Selfyssinga á Facebook. Þar birtir hann líka mynd til leiðbeiningar fyrir íbúa hvenig ætti að umgangast stígana. „Nú í kovid tímabilinu höfum við verið hvött til að hreifa okkur í opinberu rými enda nóg af góðum göngustígum t.d. hér á Selfossi. Hægt að halda góðu millibili við fólk sem maður mætir. Þetta hef ég gert eftir bestu samvisku á ýmsum tímum dagsins. En ekki eru allir klárir á því hvoru megin þeir eiga að halda sig á gangstígnum né hafa hugsun á því að halda bili á milli þegar fólk mætist. Við göngum tvö saman og höfum þá reglu að þegar við mætum fólki gengur annað okkar fyrir aftan til að skapa pláss,“ segir Sigurður og heldur áfram:
„Oft höfum við mætt fólki sem virðist ekkert hugsa út í þetta né vita hvoru megin það á að vera á göngustíg. Börnin hugsa um þetta þau fara í röð eða fara útfyrir gangbraut til að mynda pláss á milli en margir eldri eiga í vandræðum með þetta. Um daginn mætti ég gönguhóp, við vikum en þær voru fimm í breiðfylkingu og nýttu sitt frelsi til fulls, er ekki alveg óhætt að taka tillit til þessara tíma og skapa pláss. Þetta er ekki illa meint af minni hendi heldur vil ég vekja athygli á því að við vitum ekki hver smitar hvern úti á gangstíg eða hvort.“
Ásdís er þessu hjartanlega sammála og segir það ekki aðeins vera göngufólk sem þurfi að athuga sinn gang. „Það eru margir sem mega taka þetta til sín en verst þykir mér þegar hjólafólk fer skyndilega fram úr mér svo til hljóðlaust það fyllir mig óöryggi og hefur gert það að verkum að ég labba minna en ég þyrfti að gera. HRINGJA BJÖLLU,“ segir Ásdís.
Hildur er á sama máli. „sammála þér með hjólreiðafólk ekki allt..manni bregður æði oft..lennti akkurat í þessu í morgunn þegar ég var að labba…,“ segir Hildur.
Guðrún nokkur er á því að við getum öll sýnt meira tillit. „Hægri umferð gildir jafnt á göngustígum sem götum en ég tek undir það sem þú segir, oft séð þetta og eins það sem Ásdís segir hér fyrir ofan. Tökum tillit, það kostar ekkert,“ segir Guðrún.
Jóna biður Sigurð og aðra um að hafa engar áhyggjur. „Þetta er nú bara sjálfsagðar reglur, sem hafa gilt lengi…. en það er flott að ítreka þær, langar samt að benda á að það er mjög óliklegt að maður smitist af covid af einhverjum sem maður mætir á göngustíg, nema að þið rekist hreinlega á hvort annað og/eða takist í hendur…,“ segir Jóna.