Formaður Miðfokksins hvetur yfirvöld til þess að grípa til róttæra aðgerða í heilbrigðismálum, nú þegar ljóst sé að áhrif kórónaveirunnar muni skapa mikið álag fyrir heilbrigðisþjónustu í landinu.
„Þörfin fyrir róttækar aðgerðir og nýtt skipulag í heilbrigðismálum var orðin augljós en nú þarf neyðaraðgerðir.“ Þetta segir Sigmundur Davíð Gunnlaugsson, formaður Miðflokksins, í færslu á Facebook.
Í færslunni greinir Sigmundur frá því að hann hafi þyrft að fara í aðgerð vegna botnlangakasts fyrir nokkrum dögum. Þannig hafi hann kynnst stöðu heilbrigðiskerfisins af eigin raun, kostum þess og göllum. „Kostirnir liggja umfram allt í því frábæra fólki sem starfar í heilbrigðisþjónustu á Íslandi. Þetta fólk á hins vegar skilið að starfa við miklu betri aðstöðu en raun ber vitni,“ skrifar Sigmundur.
„Aðgerðin gekk vel og ég er kominn heim en mér er hugsað til þess góða og færa fólks sem bjargaði mér og þarf áfram að vinna við slíkar aðstæður.“
Hann segir að eftir bið á bráðamóttöku og svo tilfærslur í sjúkrarúmi þar sem hann lá um tíma á gangi og svo í lítilli kompu, sem hafi verið mjög fínt og hann hafi verið þakklátur fyrir, hafi hann verið sendur í aðgerð vegna botnlangakastsins.
„Aðgerðin gekk vel og ég er kominn heim en mér er hugsað til þess góða og færa fólks sem bjargaði mér og þarf áfram að vinna við slíkar aðstæður. Sérstaklega núna þegar ljóst er að áhrif kórónaveirunnar eiga eftir að skapa mikið álag fyrir heilbrigðisþjónustuna.“