Fyrrum ráðherrann og núverandi þingmaður Sjálfstæðisflokksins, Sigríður Andersen, ber saman rafskútuslys og nýja bylgju Covid sem nýhafin er á Íslandi og er að færast í aukana.
„Af fréttum að dæma liggja fleiri inni vegna rafskútuslysa en Covid. Hví leyfa menn sér að slengja fram hugmyndum um að hefta frelsi manna, jafnvel loka landinu, eins og það sé bara formsatriði og án alls kostnaðar?“
Sigríður varpar spurningu sinni á framfæri vegna ummæla Runólfs Pálssonar yfirmanns COVID göngudeildar Landspítalans.
„Öldruð kona, smituð af COVID-19 var lögð inn á Landspítalann í gær og í frétt um málið sagði Runólfur: „Það má alveg búast við því að fólk þurfi að leggjast inn á spítala en það getur líka verið út af einhverju öðru en Covid-19 því þeir sem eru smitaðir núna þeir eru langflestir með mjög væg einkenni eða engin.“
Sigríður vill taka það fram að „mér hefur þótt Runólfur hallast að skynseminni frá upphafi þessa faraldurs. Þessi ummæli núna hljóma furðulegri fyrir vikið. segir Sigríður á Twitter.