Orðrómur
Sigríður Andersen, alþingismaður Sjálfstæðisflokks og brotthrakinn dómsmálaráðherra, er til ófriðs í stjórnarsamstarfinu. Eins og kom fram í Silfrinu á RÚV telur hún Vinstri græn vart vera samstarfshæf vegna ólgunnar þar innandyra. Öllum má ljóst vera að Sigríður er fúl og fjarri því að vera samstarfsfús. Það er rakið til þess að hún hefur ekki átt afturkvæmt á ráðherrastól eftir Landsdómsklúðrið og er niðurlægð. Hún kann því að verða Bjarna Benediktssyni formanni skeinuhætt.
Hún er líka í þeirri hættu að ná ekki hátt á lista í Reykjavík í samkeppni við Áslaugu Örnu Sigurbjörnsdóttur dómsmálaráðherra, Guðlaug Þór Þórðarson utanríkisráðherra, Brynjar Níelsson, sniðgenginn alþingismann, og jafnvel Kolbrúnu Reykjafjörð Gylfadóttur ferðamálaráðherra sem að vísu er í norðvesturkjördæmi en færir sig hugsanlega um set.
Forsmáð Sigríður er því til alls líkleg ef hún fær ekki uppreist og meiri áhrif í flokknum. Hún er grjóthörð, ákveðin og snögg eins og sjá má af því að hún er stundum kölluð stálmúsin í hópi fjallgöngufélaga …