Sigurður Sverrisson lést á Landspítalanum í Fossvogi í dag vegna COVID-19 kórónuveirunnar, 67 ára að aldri.
Fréttablaðið greinir frá að Sigurður hafi barist við sjúkdóminn undanfarnar vikur og hafi sú barátta verið afar hörð. Allt útlit var fyrir að Sigurður myndi hafa betur í baráttunni, hann var tekinn af öndunarvél fyrir helgi og virtust horfurnar vera að batna. Sjúkdómurinn ágerðist hins vegar, með meiri þunga en áður.
Sigurður var mikill skákmaður og vel metinn í þeim hópi, auk þess sem hann var góður bridgespilari.
Sigurður missti eiginkonu sína stuttu áður en hann veiktist, Mary Pat Frick, sem lést 8. mars.
Bróðir Sigurðar greinir frá andláti hans: „Það er með mikilli sorg í hjarta sem við í dag kveðjum ástkæran bróður. Það gerist núna svo skömmu eftir að við kvöddum okkar elsku mágkonu. Betri vini og félaga hef ég ekki getað hugsað mér. Megið þið hvíla í friði elsku Siggi bróðir og Mary Pat. Ykkar verður sárt saknað.“
Mannlíf vottar ættingjum og ástvinum Sigurðar innilega samúð.