Mál Loga Bergmanns og fjögurra annarra karlmanna, Arnars Grants, Ara Edwalds, Hreggviðar Jónssonar og Þórðar Más Jóhannessonar, sem eru sakaðir fyrir að hafa brotið kynferðislega á Vítalíu Lazarevu, sem Mannlíf fjallaði fyrst um, hefur hrist upp í íslensku samfélagi svo um munar.
Logi Bergmann sendi frá sér yfirlýsingu á samfélagsmiðli þar sem hann neitar að hafa brotið nokkru sinni á manneskju kynferðislega, og bætir í raun um betur.
Segir:
„Ég hef alla mína ævi haft andstyggð á hvers kyns ofbeldi, staðið með fórnarlömbum þess og stutt baráttu þeirra í gegnum tíðina.“
En þetta virðist ekki vera satt, allavega ef má marka orð Sigurðar Gísla Bjarnason, sem starfar við tölvuöryggismál hjá Advania, og var í sama bekk og Logi Bergmann í grunnskóla.
Hann segir, eins og Eiríkur Jónsson greindi fyrst frá:
„Logi Bergmann segist alla sína ævi haft andstyggð á hvers kyns ofbeldi. Þetta er ekki alveg rétt,” segir Sigurður Gísli Bjarnason : „Hann beitti mig ofbeldi og einelti allan mína grunnskólatíð þar sem við vorum bekkjarfélagar sem krakkar og bjuggum í sömu götu.“