Sigursteinn leiðréttir misskilning um Veritas – Hefur ekkert með fyrirtækis Hreggviðs að gera

Hreggviður Jónsson hefur ferið mikið í fréttum að undanförnu en hann er einn fimmmenninganna sem sakaðir eru um kynferðisbrot gegn Vítalíu Lazareva. Hreggviður hefur nú sagt af sér stjórnarformennsku í Veritas Capital. Í fréttum hefur fyrirtækið yfirleitt verið kallað Veritas en af þeim sökum hefur Sigursteinn Másson, eigandi Veritas ehf. sent frá sér yfirlýsingu þar sem hann leiðréttir misskilninginn, fyrirtæki hans tengist Hreggviði ekki á neinn hátt

Yfir­lýsing Sigur­steins fyrir hönd Veritas ehf. í heild sinni:

Allir helstu fjöl­miðlar landsins fjölluðu um það, föstu­daginn 6. janúar og dagana á eftir, að Hregg­viður Jóns­son stjórnar­for­maður Veritas hefði á­kveðið að segja af sér stjórnar­for­mennsku og segja sig sömu­leiðis úr stjórnum fyrir­tækja tengdum Veritas. Á­stæðan var sögð á­sökun um kyn­ferðis­brot sem kom fram í hlað­varps­þætti og áður á sam­fé­lags­miðlum. Í til­kynningu hans sagðist hann stíga til hliðar úr stjórrn Veritas og tengdra fyrir­tækja til að raska ekki þeirra mikil­vægu starf­semi.

Það fyrir­tæki sem nefnt er Veritas í yfir­lýsingunni, og síðan marg­sinnis í fjöl­miðlum, var stofnað árið 2002 og heitir réttu nafni Veritas Capi­tal.

Veritas ehf var stofnað snemma árs 1996, sex árum áður en Veritas Capi­tal, og var fyrsta verk­efni Veritas að fram­leiða heimilda­þættina Að­för að lögum, um hin svo­kölluðu Guð­mundar- og Geir­finns­mál sem frum­sýndir voru í Ríkis­sjón­varpinu vorið 1997.

Bæði í frétta­flutningi sem og í yfir­lýsingum aðila hefur nafn míns fé­lags verið notað en ekki fullt nafn við­komandi fé­lags sem er villandi og er það til­efni þessarar yfir­lýsingar.