- Auglýsing -
Auglýsing Bleiku slaufunnar, árvekni- og fjáröflunarátaks Krabbameinsfélags Íslands, leggur áherslu á mikilvægi þess að engin kona upplifi sig eina í veikindum sínum.
Rjómi söng- og leikkvenna, dansara og íþróttakvenna kemur fram í auglýsingunni, en aðalhlutverkið leikur Sólveig Guðmundsdóttir leikkona.
„Kæra systir. Þú ert ekki ein.
Þegar kona greinist með krabbamein og tilveran breytist snögglega tekur við tími sem getur reynst afar erfiður.
Þá skiptir stuðningur fjölskyldu og vina miklu máli, en einnig veitir Krabbameinsfélagið faglega og félagslegan stuðning án endurgjalds.
Rannsóknir sýna að þeim vegnar betur sem fá stuðning.
Stöndum allar saman á bak við þær konur sem greinast með krabbamein, sýnum stuðning og berum Bleiku slaufuna í október.“
