Stórsigur Framsóknarflokksins og kyrrstaða Sjálfstæðisflokksins þýðir að flokkarnir geta valið hvaða flokk sem er þriðja hjól í nýrri ríkisstjórn. Samanlagt eru flokkarnir með 29 þingmenn. Til að ná meirihluta þá duga þrír þingmenn Miðflokksins eða þeir sex þingmenn sem Flokkur fólksins fer með inn á Alþingi og allir hinir flokkarnir. Vandinn er hins vegar sá að Píratar og Samfylking hafa þvertekið fyrir samstarf við Sjálfstæðisflokksinn. En samsetning nýrrar ríkisstjórnar er á valdi Framsóknarflokksins. Enginn flokkur hefur útilokað hann frá samstarfi. Sigurður Ingi Jóhannsson er því með öll spil á hendi. Möguleikar Sjálfstæðisflokksins eru því aðeins þeir að fylgja Framsóknarflokknum þangað sem hann vill fara.
Bjarni Benediktsson, formaður Sjálfstæðisflokksins, sagði í Silfrinu ekki sjálfgefið að stjórnin sem nú situr nái saman. „Þetta hefur verið erfitt,“ segir Bjarni. Þau orð eru vísbending um það sem koma skal.