Sjúkraflutningamenn biðu eftir lögreglu fyrir utan heimili Gísla á meðan honum blæddi út

Sjúkraflutningamenn biðu eftir lögreglu um 40 mínútur og máttu ekki fara inn í hús Gísla Þórs Þór­ar­ins­son­ar fyrr en lögregla heimilaði. Honum blæddi ut á meðan.

Norska ríkisútvarpið, NRK, greinir frá málinu. Gísli var skotinn á heimili sínu í Mehamn í lok apríl síðastliðnum.

Formaður Sambands sjúkraflutningamanna segir slæmt að viðbragðstími sé ekki betri þega kemur að björgun mannslífa. Reglur um að sjúkraflutningamenn megi ekki fara án lögreglu inní hús þar sem eru skotvopn eru til verndar sjúkraflutningamanna. Í þessu tilfelli þurfti lögreglan að koma frá Kjøllefjord sem er rúmlega hálftíma frá Meham.

Formaður Sambands sjúkraflutningsmanna í Noregi segir að nóttina sem Gísli var skotinnhafi lögregla verið síðust á staðinn. Hann segir vont að vita af manneskju með lífshættulega áverka sem þurfi nauðsynlega á aðstoð að halda en hafa ekki heimild til að veita aðstoð. Þetta sé ekki gott skipulag.

Frétt NRK má lesa hér.