Skæruliðar Samherja á skilorði

Skæruliðadeild Samherja varð fyrir áfalli í gær þegar yfirstjórn Samherja baðst afsökunar á bolabrögðum og vélráðum þeirra Þorbjörns Þórðarsonar, fyrrverandi fréttamanns og leynipenna,Örnu Bryndísi Baldvins McClure og Þorsteins Steingrímssonar skipstjóra. Þá má ekki gleyma þætti Jóns Óttars Ólafssonar leynilöggu sem í umboði Þorsteins Más Baldvinssonar sat um Helga Seljan og sendi honum ógnandi SMS-skilaboð úr leyninúmer. Allt hefur þetta hyski stigið yfir öll mörk í mannlegum samskiptum og aðgerðum gegn meintum óvinum Samherja. Afsökunarbeiðnin í gær, sem inniheldur nokkrar málsbætur neðanjarðarfólksins, þykir ekki endilega vera dæmi um iðrun, öllu fremur ótta vegna þess álitshnekkis sem fyrirtækið hefur orðið fyrir. Allir eru þessir aðilar nú á flótta undan fjölmiðlum og treysta sér ekki til að standa fyrir sínum málum. Ólíklegt þykir að skæruliðarnir verði reknir úr störfum sínum en þeir eru væntanlega á skilorði hjá fyrrtækinu alræmda …