- Auglýsing -
„Á listann vantar voðaverk Stalíns, kommúnistastjórnina í Kína, þjóðarmorðin í Ruanda, Franco, Mussolini, Nýju stjórnarskrána, rússnesku mafíuna, Kim Jong-un, Trump, kvótakerfið, Vatikanið, fjölmenninguna, Jón Baldvin, Miðflokkinn, Kóvid og handboltalandsliðið,“ skrifar Lýður Árnason, læknir og stjórnlagaþingmaður, um þá róttæku hugmynd þigmanna Samfylkingar að sekta eða fangelsa þá sem með einhverjum hætti mæla bót framgöngu þýskra nasista í seinni heimstyrjöldinni.
Í frumvarpi Samfylkingarmanna segir: „Hver sem opinberlega afneitar, gróflega gerir lítið úr, eða reynir að réttlæta eða samþykkja þjóðarmorð sem framin voru á vegum þýska nasistaflokksins í síðari heimsstyrjöldinni skal sæta sektum eða fangelsisvist.“
Margir hafa lýst undrun á hugmyndinni sem sé í ætt við að taka upp skoðanalögreglu og refsa fyrir það sem mönnum dettur í hug, burtséð frá frelsi til tjáningar eða skoðana. Lýður bendir á þá hættulegu braut sem þingmennrnir feta með þessari hugmynd og spyr hvort ekki sé líklegt að hugmyndin verði útvíkkuð.
„Annar kostur er svo auðvitað sá að gera alla umræðu refsiverða sem gengur í bága við eigin skoðanir. Þið pælið í þessu,“ skrifar Lýður á Facebook.