- Auglýsing -
Svifryk og köfnunarefnisdíoxíðmengun er mikil í borginni í dag samkvæmt mælingum í mælistöðvunum við Grensásveg og Njörvasund.
Á vef Reykjavíkurborgar segir að klukkan 11.00 í dag hafi styrkur svifryks á Grensásvegi verið 114 míkrógrömm á rúmmetra og köfnunarefnisdíoxíðs 95 míkrógrömm á rúmmetra.
Í mælistöðinni í Njörvasundi var styrkur svifryks 76 míkrógrömm á rúmmetra og köfnunarefnisdíoxíðs 96 míkrógrömm á rúmmetra.
Köfnunarefnisdíoxíðmengun getur veldið ertingu í lungum og öndurvegi. Á vef Reykjavíkurborgar er þeim sem eru viðkvæmir fyrir í öndunarfærum, og börn bent á að forðast útivist í lengri tíma og takmarka áreynslu í nágrenni stórra umferðagatna.
Hægt er að fylgjast með styrk svifryks og annarra mengandi efna á loftgaedi.is.