Slökkviliðs- og sjúkraflutningamenn fresta verkfallsaðgerðum vegna COVID-19

Boðuðum verkfallsaðgerðum félagsmanna Landsambands slökkviliðs- og sjúkraflutningamanna (LSS) hefur verið frestað á meðan hættustig almannavarna vegna kóronaveiru (COVID-19) er í gildi.

Í tilkynningu frá LSS segir að félagið treysti á að samningsaðilar nýti sér ekki þessa frestun til að tefja samninga og haldi áfram viðræðum með sama krafti eins og að verkföllum hafi ekki verið frestað. Frestun verkfalla gildir þar til Almannavarnir hafa aflýst hættustigi.