- Auglýsing -
Áhöfn Icelandair í flugi frá Washington D.C. til Íslands þann 27.desember síðastliðinn reyndist smituð af kórónuveirunni en greindi Vísir frá málinu í morgun.
Samkvæmt heimildum kemur fram að eini áhafnameðlimurinn sem slapp við smit var flugmaðurinn en hefur það þó ekki fengist staðfest frá Icelandair.
Guðni Sigurðsson, yfirmaður samskiptamála hjá Icelandair sagði umrædda áhafnameðlimi nú í sóttkví eða einangrun en gaf þó ekki upp hversu margir smituðust.
Við smitrakningu væri farið eftir reglum sem væru í gildi hér á landi og því haft samband við þá sem teljast útsettir fyrir smiti.
Þrátt fyrir hópsmitið hafði það ekki mikil áhrif á áætlanir að sögn Guðna og vel hefði gengið að leysa úr þeirri stöðu sem upp kom.