- Auglýsing -
Níu hafa greinst með COVID-19 hér á landi á síðasta sólarhring og er fjöldi staðfestra COVID-19 smita hér á landi er kominn upp í 1.720. Virk smit eru 723 samkvæmt nýjustu tölum á covid.is.
161 sýni voru rannsökuð á sýkla- og veirufræðideild Landspítalans í gær og níu þeirra reyndust jákvæð. Þá voru 690 sýni rannsökuð hjá Íslenskri erfðagreiningu í gær og ekkert smit greindist í þeim sýnum.
Samkvæmt tölum covid.is hafa 989 einstaklingar náð bata eftir að hafa smitast.
Almannavarnadeild ríkislögreglustjóra mun ekki halda upplýsingafund í dag klukkan 14.00 líkt og áður.