Forsvarsmenn fyrirsækisins Durex segja sölu á smokkum hafa dregist saman á heimsvísu síðan samgöngu- og útgöngubann var sett á víða um heim vegna kórónaveirufaraldursins.
Forstjóri Reckitt Benckiser, móðurfyrirtækis Durex, segir smokkasölu hafa minnkað gríðarlega undanfarið þar sem veirufaraldurinn hefur valið því að margt fólk getur ekki stundað kynlíf eins oft og það er vant að gera. Um þetta er fjallað á The Guardian.
Hann sagði söluna hafa t.d. minnkað áberandi mikið á Ítalíu og á Bretlandi þar sem fólk getur með engu móti stundað einnar nætur gaman.
Einnig segir hann margt fólk finna fyrir auknum kvíða og álagi vegna útbreiðslu COVID-19 sem veldur því að fólk sem er í sambandi hefur ef til vill minni áhuga á kynlífi en ella.
Hann reiknar með að smokkasalan komist aftur í fyrra horf þegar sóttvarnaaðgerðum verður aflétt.