Snjóflóðahætta er enn víða um land. Hús við Ólafstún á Flateyri hafa verið rýmd og íbúum gert að leita skjóls annað. Þá hefur atvinnuhúsnæði við Skutulsbraut á Ísafirði verið skilgreint sem hættusvæði og nokkrum íbúum á Siglufirði gert að yfirgefa hús sín. Í nótt féll snjóflóð á Hnífsdalsveg milli Ísafjarðar og Hnífsdals og er vegurinn lokaður. Fjallvegir um allt land eru víða ófærir og fólk innlyksa. Snjóflóð féll í gærmorgun úr Kolbeinsstaðarhnúk í Skagafirði í nótt og hreif með sér sér bárujárnsskúr. Flóðið fór skammt frá bænum Smiðsgerði. Talið er að flóð hafi fallið mun víðar en það skýrist í birtingu. Jón Árni Friðjónsson íbúi í Smiðsgerði sagði við mbl.is að hann hefði ekki hafa náð að skoða aðstæður vegna skafrennings og lítils skyggnis.
Það er til dæmis um andstæðurnar á landi elds og ísa að á sama tíma og snjór og frost plagar landsmenn þá var kallað út slökkvilið í Reykjavík vegna elds í Úlfarsárdal sem að vísu var fljótslökktur.
Spáð er áframhaldandi norðanátt fram eftir næstu viku. Vonir standa til að hægt verði að opna helstu leiðir fljótlega en það ræðst af veðri og ofankomu.