- Auglýsing -
Það má alltaf þakka fyrir góð tilboð og leiðir til að spara krónurnar. Til er app, búið til af Auðuni Kjartanssyni, sem nefnist Sparaustur. Þar geta fyrirtæki á Austurlandi birt tilboð sem notendur appsins geta nýtt sér. Bæði er þetta sniðugt fyrir íbúa svæðisins og þá fjölmörgu ferðamenn sem ætla sér að skoða landið nánar í sumar.
Sparaustur er einfalt í notkun og bætast þar reglulega við ný tilboð. Í langflestum tilvikum sýnir notandi appið í móttöku eða afgreiðslu þess sem auglýsir sérkjör. Í öðrum tilfellum er nýttur afsláttarkóði sem gefinn er í appinu fyrir vefverslun.
Appið er ókeypis og má nálgast það í App Store hjá Apple eða í Google Play. Sparaustur er á vefsíðunni www.sparaustur.is.