- Auglýsing -
Lögreglunni á Suðurlandi barst ábending um torkennilegan hlut á gámasvæði í Þorlákshöfn nú í morgun.
Greindi Lögreglan á Suðurlandi frá því í samtali við Mannlíf að um nokkra hluti væri að ræða. Þá mætti líkja hlutunum við sprengju en verið er að rannsaka hlutina.
Aðspurður hvort hætta væri á svæðinu sagði lögreglumaðurinn svo ekki vera.
„Það er ákveðið viðbragð sem fer í gang til að tryggja öryggi allra. Þannig að það er enginn í hættu. Það er búið að tryggja það“.
Gat lögreglan staðfest að hlutirnir sem um ræðir líktust sprengjum.
Ekki var hægt að staðfesta að um væri að ræða sprengjur en rannsókn stendur yfir.