Leikkonan og aðgerðarsinninn Pamela Anderson er búin að söðla um, ef svo má segja, og er byrjuð með sérstakan dálk í vefritinu Dazed. Pamela er gestapenni hjá ritinu og ætlar að svara öllum spurningum lesenda um kynlíf og sambönd og veita þeim góð ráð.
Eins og segir í frétt Dazed um þessa nýjustu viðbót á miðlinum er Pamela tveggja barna móðir og því þaulvön að miðla ráðum til yngra fólks. Þá segir ritstjórn Dazed að vandamál lesenda séu í góðum höndum og vísar í viðtal Dazed við kynbombuna:
„Mig hefur alltaf langað til að skrifa erótískar smásögur. Fólk segir mér að ég ætti að gera það. Allir segja að ég sé nokkuð lunkin að segja sexí sögur!“
Þeir sem vilja senda Pamelu spurningar geta sent tölvupóst á [email protected] með nafni, aldri og búsetu. Allar spurningar verða áframsendar til Pamelu en þær bestu, eins og ritstjórn Dazed orðar það, verða birtar á vefritinu.