„Hvað í andskotanum er Björk að gera fyrir þjóðina á þessum tímum? Ekki neitt. Það heyrist ekki múkk,“ segir Heiðar Sumarliðason, annar þáttastjórnandi útvarpsþáttarins Eldur og brennisteinn sem er á dagskrá á X977.
Í nýjasta þættinum ræddu þeir Heiðar og Snæbjörn Brynjarsson alla þá tónlistarmenn sem stytta landsmönnum stundir með tónlistaratriðum á meðan á samkomubanni stendur vegna kórónaveirunnar.
Heiðar benti á að Björk láti hins vegar ekkert í sér heyra. „Hún gæti að minnsta kosti sett eitthvað inn á Instagram.“ Hann er þá viss um að Björk líti niður á Íslendinga. „Henni finnst við öll vera hyski,“ grínaðist hann.
„Hversu oft hefur Björk Guðmundsdóttir komið í Vikuna með Gísla Marteini. Aldrei. Hversu oft hefur Jóhannes Haukur komið í Vikuna. Átta sinnum,“ tók hann sem dæmi.
„Ef fólk biður hana um mynd af sér þá segir hún fólki bara að fokka sér.“
Snæbjörn tók hins vegar fram að hann er ánægður með frægt fólk sem lætur lítið fyrir sér fara á meðan á samkomubanni stendur.