- Auglýsing -
Hjúkrunarfræðingur á bráðamóttöku Landspítalans í Fossvogi hefur greinst með COVID-19 smit. Morgunblaðið greinir frá.
Þar segir að smitrakningarteymi almannavarna og sóttvarnalæknis vinni nú að því að rekja ferðir hjúkrunarfræðingsins og meta hvort þörf sé á að aðrir starfsmenn bráðamóttökunnar fari í sóttkví. Enginn læknir á bráðamóttökunni er sagður hafa orðið útsettur fyrir smiti.
Þá hefur smit komið upp á veiru- og sýklafræðideild Landspítala. Karl G. Kristinsson, yfirlæknir á deildinni staðfesti þetta við mbl og sagði fjóra starfsmenn vera í sóttkví vegna smitsins.