Á lögreglustöð 1 – sem er Austurbær, Miðbær, Vesturbær og Seljarnarnes, voru höfð afskipti af ökumanni sem sviptur leyfi; seinna um daginn var ökumaður bifreiðarinnar tekinn aftur undir stýri. Á ökumaður bifreiðarinnar yfir höfði sér sekt vegna málsins.
Þá voru höfð afskipti af ökumanni sem var að tala í farsíma undir stýri; á ökumaður yfir höfði sér sekt.
Einnig var tilkynnt um ofurölvi einstakling á veitingastað; var aðilanum ekið heim sökum ástands.
Kemur það fram að höfð voru afskipti af starfsmanni skemmtistaðar í miðborg Reykjarvíkur, sem er grunaður um líkamsárás og er málið í rannsókn.
Aðili var handtekinn við að fara inn á byggingarsvæði og stela þaðan verkfærum – málið er í rannsókn.
Á lögreglustöð 2 – sem er Hafnarfjörður, Garðabær og Álftanes, voru fjórir ökumenn handteknir vegna gruns um akstur undir áhrifum áfengis og/eða annarra fíkniefna.
Þá voru höfð afskipti af ökumanni sem var að tala í farsíma við akstur; ökumaður þessi á yfir höfði sér sekt.
Á lögreglustöð 3, sem er Kópavogur og Breiðholt, var ökumaður handtekinn vegna gruns um akstur undir áhrifum áfengis; látinn laus úr haldi lögreglu að blóðsýnatöku lokinni.
Tilkynnt var um innbrot og líka tilkynnt um öldauðan aðila á stigagangi í fjölbýlishúsi; þegar lögregla ætlaði að aðstoða aðilann að komast til síns heima gat hann ekki sagt til nafns sökum ástands og var hann vistaður í fangaklefa sökum ástandsins.
Á lögreglustöð 4, sem er Grafarvogur, Mosfellsbær og Árbær, var tilkynnt um grunsamlegar mannaferðir í hverfi 110.