Rétt í þessu var Jóhannes Tryggvi Sveinbjörnsson, stundum kallaður stjörnunuddarinn, fundinn sekur í Héraðsdómi Reykjavíkur af ákæru um að hafa á nuddstofu sinni, nauðgað konu árið 2012. Er þetta annar dómurinn sem Jóhannes fær vegna slíkra brota. Á síðasta ári hlaut hann sex ára dóm en í þetta skiptið var hann dæmdur í 12 mánaða fangelsi.
Mbl.is sagði frá þessu í dag. Þar kemur fram að lögmaður Jóhannesar hafi látið vita af því við dómsuppsögu að málinu yrði áfrýjað til Landsréttar með það fyrir augum að fá dómnum hnekkt.
Sjá einnig: Dómur í máli Jóhannesar stjörnunuddara þyngdur: „Aftakan á skjólstæðingi mínum hefur farið fram“
Jóhannes var sakaður um að hafa í tvígang í janúar árið 2012, haft önnur kynferðismök en samræði við konu, skjólstæðing sinn, með því að hafa káfað á kynfærum hennar, rassi og brjósti og sett henni að óvörum, fingur í leggöng hennar.
Jóhannes neitaði sök fyrir dómi og sagðist hvorki hafa komið við brjóst eða kynfæri konunnar á óviðeigandi hátt.