Stuðningur við ríkisstjórnina mælist 55 prósent og fylgið eykst þar með um tæp sjö prósentustig frá því í febrúar, samkvæmt netkönnun sem Gallup gerði dagana 2. til 29. mars 2020. Stuðningur við ríkisstjórnina ekki verið meiri síðan snemma árs 2018.
Athygli vekur að fylgi Sósíalistaflokksins og Miðflokksins minnka töluvert; fylgi Sósíalistaflokksins fer úr 5 prósentum í 3,2 prósent og Miðflokkurinn, sem mældist síðast með 14 prósent, fær 11,5.
Fylgi annarra flokka er á svipuðu róli og í síðustu mælingu. Nú segjast 23,5 prósent myndu kjósa Sjálfstæðisflokkinn, sem eykur fylgi sitt um um 1,5 prósent milli mánaða; 15,1 prósent Samfylkinguna og rúmlega 13,3 Vinstri græn, en Vinstri græn mældust síðast með 11,9 prósent. Þar á eftir kemur Viðreisn með 11,1 prósent, Píratar með rúmlega 10,2 prósent, Framsóknarflokkinn sem var síðast með 7 prósnet mælist nú með 8,1 prósent og Flokkur fólksins með rúmlega fjögur prósent eða 4,2.
Um ellefu prósent aðspurðra sögðust myndu skila auðu eða ekki kjósa ef gengið væri til kosninga nú. Jafn margir neituðu að taka afstöðu eða vildu ekki tjá hana.