- Auglýsing -
Elín Ey sendi nýverið frá sér lagið Áður fyrr, sem hún samdi snemma árs 2013.
„Ég samdi lagið uppi í sveit á gítarinn,“ segir Elín. „Lagið fjallar um þegar maður áttar sig á því að maður eigi ekki samleið með einhverjum lengur.“
Lagið er undir áhrifum RnB-tónlistarstefnunnar en Elín segist snemma hafa viljað stýra laginu í þá átt. „Ég fann laginu ekki réttan farveg fyrr en nokkrum árum seinna þegar ég fór með það til bróður míns, Bleache, sem er stórkostlegur pródúser og tónlistarmaður.“
Bleache útsetur lagið ásamt Elínu eins og öll önnur lög sem eru væntanleg frá henni. Hægt er að hlusta á lagið á Spotify og á Albumm.is.