- Auglýsing -
Sigvaldi Kaldalóns eða Svali, eins og hann er betur þekktur, er nýkominn til Íslands frá Tenerife með fjölskyldu sinni og á að vera í sóttkví ásamt öðrum fjölskyldumeðlimum.
Daginn eftir að hann lenti á klakanum sýndi hann hins vegar á Instagram reikningi sínum myndband af sér vera mættur að prufukeyra bíl. Brá þá mörgum í brún og töldu hann vera brjóta gegn reglum um sóttkví.
Í samtali við Mannlíf sagði Svali léttur í lund að um gamalt myndband væri að ræða: „Haha nei, þetta eru gamlar upptökur. Ætti að sjást glögglega á klippingu og lit. Þetta var tekið um miðjan mars.“
Svo ekki var um sóttvarnarbrot að ræða, en Svali fylgir tilsettum reglum um sóttkví og er staddur á heimili sínu ásamt fjölskyldunni að taka hana út.