Lögmaðurinn Sveinn Andri Sveinsson er í borginni Dubai í Sameinuðu arabísku Furstadæmunum um jólin: Dubai nýtur gríðarlegra vinsælda hjá fjárhagslega vel stæðum Íslendingum um nokkurt skeið.
Ekki er lengra síðan en á aðfangadag þegar Sveinn Andri gerði allvel við sjálfan sig og pantaði sér borð á Nusr-et steikhúsinu – en veitingastaðurinn er hluti af keðju hins tyrkneska Salt Bae, sem er heimsfræg samfélagsmiðlastjarna sem sló í gegn fyrir aðdáunarverða nálgun sína við að dreifa salti yfir steikurnar.
Salt Bae rekur nú um tíu veitingastaði; til að mynda í London, New York, Los Angeles, Doha og Miami.
Vinsældir staðanna hafa verið miklar en líka hlotið talsvera gagnrýni fyrir hátt verðlag; ekki er óalgengt að gestir þurfi að reiða fram á um 40 þúsund íslenskar krónur ljúffenga steik og meðlæti.
En vilji gestir fá steikina gullhúðaða er verðið mun hærra.
Sveinn Andri er ekki blankur maður og ákvað að fara alla leið; pantaði sér gyllta Tomahawk steik: Það dýrasta á matseðli veitingastaðarins, en slíkur réttur kostar um 140 þúsund íslenskar krónur.
Sveinn Andri var svo „heppinn“ að sjálfur Salt Bae var staddur í Dubai og því fékk Sveinn Andri extra-gæða saltmeðferð frá honum Salt.
Og Sveinn Andri var sáttur, sáttur við Guð og menn og allt á milli himins og jarðar:
„Jólasteikin í ár var frekar óhefðbundin, gullhúðaður Tomahawk. Líklega bezta steikin sem ég hef étið á langri ævi. Ekki borða yfir ykkur um jólin,“ skrifaði Sveinn Andri.
Hér fyrir neðan gefur að líta myndbrot af dýrum kvöldmat Sveins Andra hjá Salt Bae.