Það styttist í Þjóðhátíð í Vestmannaeyjum sem sett verður 30. júlí í Herjólfsdal.
Eftir frekar þungt sumar „sunnanlands“ eru margir að spá í hvernig veðrið verði á Þjóðhátíð, sem dregur árlega til sín þúsundir skemmtanaþyrstra gesta.
Ef rýnt er í langtímaveðurspár virðist dæmið líta vel út; Þurrt að kalla verður á fimmtudeginum 29. júlí – en þá fer fram hið „margrómaða“ Húkkaraball en þar sem sjálfur Herra Hnetusmjör mun stíga á stokk ásamt Sturlu Atlas.
Ef allt fer á besta veg varðandi veðrið mun verða skýjað og hitinn á bilinu 12 til 15 gráður. Á laugardeginum mun sólin væntanlega láta sjá sig og áfram hiti með svipuðu móti; hæg austanátt. Á lokadeginum ætti veðrið að vera svipað og hina dagana en ský gætir dregið fyrir sólu.
En við Íslendingar erum vanir miklum veðrabreytingum á skömmum tíma og best að taka með sér allan þann búnað sem gæti virkað gegn óútreiknanlegu íslensku veðri.