Tærnar á Dóru

Leikstjórinn Dóra Jóhannsdóttir uppskar einróma lof fyrir Áramótaskaupið. Upptökunum fylgdi álag og þá ekki síst vegna þess að framleiðendur Skaupsins voru að sögn með Selfoss að einhverju leyti á heilanum og vildu mynda þar og þá væntanlega í þágu auðmannsins Kristjáns Vilhelmssonar, aðaleiganda Samherja, sem byggði upp nýja miðbæinn. Eftir nokkra orrahríð þar sem Sigurjón Kjartansson, meðeigandi Kristjáns, vóg að heiðri leikastjórans í skrifum á Facebook tók Dóra sér verðskuldað frí og skrapp til Tenerife. Hún var dugleg að pósta myndum úr fríinu en gætti þess vandlega að tærnar sæjust ekki svo hún yrði ekki skömmuð fyrir að skaða þjóðarhag með flandri sínu. Dóra má vel við una því kannanir sýna að yfir 80 prósent landsmanna kunnu að meta Skaupið og framtíð hennar, með eða án samherja við gerð Skaupsins, er björt …