Telur fólkið hafa orðið úti

Lík konu og karls fundust á Sólheimasandi í morgun, skammt frá göngustíg að flugvélarflaki þar. Um er að ræða erlenda ferðamenn sem voru að ferðast saman.

Odd­ur Árna­son, yf­ir­lög­regluþjónn hjá lög­regl­unni á Suður­landi, segir að fólkið hafi að öllum líkindum orðið úti. Oddur segir þetta í samtali við mbl.is. Hann segir að lögreglunni á Suðurlandi hafi ekki borist tilkynningar um að einhvers væri saknað á svæðinu undanfarna daga.

Bíll sem talinn er hafa verið leigður af parinu stendur á bílastæði við Sólheimasand og er vitað að hann fór um Hvolsvöll á austurleið kl. 14.55 hinn 13. janúar sl. er fram kemur í tilkynningu lögreglu.

Sjá einnig: Lík tveggja ferðalanga fundust á Sólheimasandi