- Auglýsing -
„Mestu vert er að ákvarðanir okkar skili jákvæðum skilyrðum fyrir alla,“ sagði Willum Þór Þórsson, þingmaður Framsóknarflokksins, í eldhúsdagsumræðum um störf þingsins.
„Kraftmikið samkeppnishæft atvinnulíf er okkar keppikefli,“ sagði þingmaðurinn og bætti við að það væri forsenda bættra lífsgæða fyrir alla. Hann sagði markmið ríkisstjórnarinnar að búa til gott barnvænt samfélag. „Það er þess vegna sem ríkisstjórn Katrínar Jakobsdóttur leggur áherslu á þróttmikið efnahagslíf. Til þess að treysta megi til framtíðar atvinnulíf, vöxt verðmætasköpunar og velferð.“
Hann sagði þessa stefnu ríkisstjórnarinnar rímar vel við áherslur Framsóknarflokksins. „Það er ánægjulegt og vissulega forréttindi að fá tækifæri til þess að styðja þessa ríkisstjórn.“