Þetta er fólkið hjá KSÍ sem situr sem fastast þrátt fyrir spillingu og þöggun um ofbeldismál

Landslið karla í knattspyrnu á í miklum vanda þessa daga og hið sama má segja um Knattspyrnusamband Íslands, KSÍ. Liðið er í stormi samfélagsmiðla þar sem alvarlegar ásakanir á liðsmenn ganga ljósum logum.

Mannlíf greindi fyrst frá kynferðisbrotum Kolbeins Sigþórssonar, framherja landsliðsins, og iðrun hans og sáttagreiðslum til þolenda sinna. Mannlíf greindi líka fyrst frá ofsafenginni hegðun Ragnar Sigurðssonar landsliðsmanns en bæði þessi mál komu inn á borð KSÍ án þess að nokkuð væri aðhafst.

Sjá einnig: Kolbeinn Sigþórsson iðraðist og greiddi bætur eftir kynferðisofbeldi – Guðni þaggaði málið niður

Þá sagði Mannlíf fyrst fjölmiðla frá alvarlegum ásökunum á hendur tveimur ónafngreindum landsliðsmönnum til viðbótar en algjör þögn hefur verið um þær ásakanir. Þá galopnaði Mannlíf jafnframt á mál Gylfa Þórs Sigurðssonar landsliðmanns sem sakaður er um að hafa brotið gegn ólögráða stúlku. Hvorki KSÍ né umræddir menn hafa tjáð sig um ofangreind mál.

Guðni Bergsson sagði af sér sem formaður KSÍ í gær, eftir að hafa meðal annars orðið uppvís að lygum í fjölmiðlum en stjórn sambandsins ætlar hins vegar að sitja sem fastast fram að næsta ársþingi sem fram fer í febrúar. Guðni formaður virðist því einn ætla að taka skellinn hjá KSÍ.

Sjá einnig: Landsliðið í stormi samfélagsmiðla – Ásakanir um kynferðisbrot og heimilisofbeldi

Hávær krafa er um frekari breytingar hjá KSÍ í kjölfar allra þeirra ofbeldismála sem komið hafa upp í tengsllum við sambandið og landsliðsmenn á vegum þess. Hér að neðan má finna yfirlit yfir aðal- og varastjórn KSÍ sem ætlar að sitja áfram þrátt fyrir hávært ákall í samfélaginu um breytingu:

Sjá einnig: Segir tvo þjóðþekkta Íslendinga hafa nauðgað sér ítrekað: „Ég skila skömminni, FOKKIÐ YKKUR “