Auðunn Blöndal, Helgi Björnsson, Ingó veðurguð og Gísli Marteinn Baldursson eru meðal þeirra íslensku stjarna sem fara mest í taugarnar á íslenskum netverjum. Að minnsta kosti ef marka má svör þeirra sem leggja til umræðunnar inni á einu stærsta vefsvæði heims.
Reddit er eitt stærsta vefsvæði veraldar þar sem fjöldi frægra einstaklinga heldur sig. Dæmi um fræga sem hafa notast mikið við síðuna er Barack Obama, fyrrverandi forseti Bandaríkjanna. Á Reddit skapast iðulega umræður um hin ýmsu málefni og það er ekki ýkja algengt að Íslendingar séu þar til umfjöllunar. Svo er hins vegar nú en taka verður tillit til þess að þarna eru meira eða minna fólk að tjá sig undir nafnleysi. Þar er spurt:
„Hvaða íslenska ,,celeb” þolir þú ekki og afhverju?“
Og ekki stendur á svörum hjá fjölmörgum íslenskum notendum vefsvæðisins. Mannlíf tekur hér saman brot af því besta:
„Auðun Blöndal klárlega. Aldrei lent á manni sem er jafn leiðinlegur við þjónustu fólk. Steindi aftur á móti er einn skemmtilegasti kúnni sem ég hef afgreitt. Var alltaf æðislegt að fá hann. Hann er bara alveg eins og hann er á skjánum.“
„Auðunn Blöndal vegna þess að hann er ógó flippaður gaur að atvinnu, Ingó Veðurguð vegna þess að hann er hræðilegur, Bjarni Ben vegna þess að hann er slímugur.“
„Versti sem eg hef afgreitt er held ég Ingó! Auddi var allt i lagi, Sveppi, Steindi og Petur Johann allir mjög kurteisir.“
„Er kominn með doldið upp í kok af Helga Björns. Mér fannst þetta „Helgi fokking Björns“ djók fyndið þegar það byrjaði. Taka einn random dægurlagasöngvara af gamla skólanum og gera hann að einhverskonar goðsögn eins og íslenskan Chuck Norris.“
„Leiðinlegasti gæinn á Helga Björns tónleikum er alltaf Helgi Björns.“
„Helgi Björns. Fæ grænar bólur í hvert skipti sem hann snýr aftur á Sjónvarp Símans.“
„Auðunn Blöndal, Pétur Jóhann, Sveppi, Svala Björgvins, Jóhanna Guðrún, Erpur Eyvindarson, Gillz, Friðrik Dór, Gísli Marteinn, Björgvin Halldórsson, Bubbi Morthens, Geir Ólafs og margir fleiri. Ástæðurnar eru margar fyrir af hverju þetta pakk er gjörsamlega óþolandi.“
„Jón Jónsson því hann er alltaf of hress og fyrir þáttinn fjörskylda. Ég var í stúkunni þegar einn af Fjörskyldu þáttunum var tekinn upp. Óþægileg stemning allan tímann.“
„Auðunn blöndal – Af því að hann er ógeðslega leiðinlegur í raunveruleikanum.“
„Gísli Marteinn – Ógeðslega leiðinleg sjónvarpspersóna, alltaf vandræðalegur og ógeðslega ófyndinn en samt fær hann alltaf nýjann þátt.“
„Bubbi fokking morthens – jesús kristur þegiðu bubbi, það er öllum ógeðslega skítsama um hvað þér finnst um hluti.“
„Dettur helst í hug svölu björgvins.. af því bara haha – þoli ekki þetta tagl sem hún er alltaf með, hversu mikið hún facetune-ar myndirnar sínar, viðbjóðslega gervilega ástin milli hennar og gaursins sem eru búin að þekkjast rétt svo ár oooog kannski það að hún er bara fræg útaf pabba gamla (sem er annað celeb sem ég þoli ekki útaf egóinu).“
„Magnús hlynur fréttamaður ef hægt er að kalla hann celeb, skal bara segja að ég mute-a útvarpið þegar heyrist í honum.“
„Egill/Gillz því hann er bara of barnalegur fyrir mig og þoli ekki gervihláturinn hans.“
„Gísli Marteinn er vel þreyttur.“
„Sé að enginn hefur nefnt Loga Bergmann. Ég er ekki alveg að fatta hann.“
„Björgvin Halldórsson er frægur fyrir „veistu hver ég er?“ Stæla.“
„Bríet er á toppnum hjá mér núna hún getur ekki sungið fyrir fimm aura, hún er raulari!“
„Svala Björgvins, Gísli Marteinn (hló vel og lengi þegar ég heyrði að útvarpsþátturinn hans var sleginn af).“