Nýjar takmarkanir tóku gildi á miðnætti og gildir sú reglugerð til 12. Janúar 2022.
Fjöldatakmarkanir eru nú 20 manns. Á viðburðum þar sem gestir sitja er heimilt að hafa 50 manns í hólfi svo lengi sem allir beri grímu og virði eins metra fjarlægðartakmörk.
Áfengissala er óheimil og gestir skulu sitja í sætum sínum.
Heimilt er að halda viðburði fyrir 200 manns svo lengi sem gestir framvísi hraðprófi og beri grímu. Eins metra nálægðartakmörk skulu virt og áfengissala er óheimil.
Grímuskylda er í verslunum og verslunarmiðstöðvum. Þar skal tryggja tveggja metra nálægðartakmörk ef einstaklingar eru ótengdir. Tveggja metra reglan gildir einnig um söfn, hárgreiðslustofur, almenningssamgöngur og aðra sambærilega starfsemi.
Veitingastaðir, skemmtistaðir og krár mega hafa opið til klukkan 21. Staðurinn skal tryggja að gestir hafi yfirgefið stað klukkan 22:00.
Einkasamkvæmi eru óheimil eftir klukkan 22:00 á stöðum sem hafa vínveitingaleyfi.
Líkamsræktarstöðvar, sund- og baðstöðvar mega taka við 50% af hámarksfjölda gesta. Sótthreinsa skal sameignlegan tækjabúnað eftir notkun. Skíðasvæði skulu tryggja tveggja metra regluna og grímuskyldu.