Þjóðhátíð í vestmannaeyjum verður haldin í sumar þrátt fyrir hertar sóttvarnaraðgerðir. Þjóðhátíðarnefnd ætlar að bíða í nokkrar vikur og stefnir á að halda hátíðina síðar í sumar.
Nú er orðið ljóst að Þjóðhátíðin fer ekki fram um næstu helgi, Verslunarmannahelgina eins og allajafna. Hertar sóttvarnaraðgerðir koma í veg fyrir að svona fjölmenn hátíð geti farið fram.
Þjóðhátíðarnefnd sendi frá sér yfirlýsingu í gær þar sem fram kemur að hún trúi því að hægt verði að halda hátíðina síðar í sumar. Ákvörðun muni liggja fyrir eigi síðar en 14. ágúst að sögn nefndarinnar.
„Allar götur síðan stjórnvöld gáfu út áætlanir um afléttingar allra innanlandstakmarkana hefur ÍBV-íþróttafélag unnið að því hörðum höndum að halda Þjóðhátíð og er sú vinna á lokametrunum enda Þjóðhátíð fyrirhuguð um næstu helgi,“ segir í yfirlýsingunni.