COVID-djamm Þórdísar Kolbrúnar R. Gylfadóttir, ferðamála-, iðnaðar- og nýsköpunarráðherra Íslands, hefur vakið hörð viðbrögð víða á samfélagsmiðlum. Fréttablaðið greindi fyrst frá því að hún hafi varið laugardeginum með vinkonuhópi sínum og kíkti út á lífið. Hún birti sjálf myndir af þessu á samfélagsmiðlum en óhætt er að segja að þar hafi tveggja metra reglan verið mölbrotin.
Hún bar fyrir sig að að sóttvarnarreglur á veitingastöðum hafi verið fylgt og að hafi farið „út á lífið“ og hafi verið komin heim um miðnætti. Að vísu loka allir skemmtistaðir og veitingahús klukkan ellefu. Á Facebook sagði Þórdís meðal annars: „Ég átti langþráðan frídag með æskuvinkonum mínum sem mér þykir vænt um og dagurinn, sem ég hafði hlakka mikið til, var nærandi. En dagurinn í dag síður og einfaldara hefði verið að ákveða að vera ekki með þeim.“
Gilda aðrar reglur?
Þó sumum finnist þetta stormur í vatnsglasi þá hafa viðbrögð margra landsmanna verið hörð. Jóhann Páll Jóhannsson, blaðamaður á Stundinni, skrifar til að mynda á Facebook: „Það eru ekki nema nokkrir dagar síðan Þórdís Kolbrún skrifaði grein í Morgunblaðið undir yfirskriftinni „Þetta veltur á okkur“ þar sem hún hæddist að gagnrýni á stjórnvöld og sagði að það væri „okkar eigin hegðun“ sem réði úrslitum í baráttunni við veiruna, ábyrgðin almennings. Margir hafa tekið hana á orðinu, fært fórnir, frestað vinahittingum og sætt sig við skert lífsgæði til að fylgja ítrustu tilmælum sóttvarnaryfirvalda.“
Hann heldur svo áfram og segir: „Á upplýsingavef stjórnvalda er fólk beðið um að fylgja eftirfarandi reglu: „Hvar sem fólk kemur saman og í allri starfsemi þarf að hafa hafa a.m.k. 2 metra á milli einstaklinga sem ekki deila heimili.“ Þetta eru fyrirmæli sem stjórnvöld ætlast greinilega til að almenningur fari eftir. Ef það gilda einhverjar aðrar reglur um t.d. ráðherra, æðstu stjórnendur ríkisins eða fólk sem er skráð í Sjálfstæðisflokkinn, þá er langeðlilegast að það sé bara tekið skýrt fram svo fjölmiðlar séu ekki að valda Þórdísi Kolbrúnu og vinkonum hennar óþægindum að ósekju.“
Gamla fólkið fær ekki „langþráð frí“
Flestir sýna Þórdísi stuðning á hennar eigin Facebook-síðu en þó eru sumir sem hjóla í hana. „Hefði ekki verið hægt að taka langþráð frí og hvíld með vinkonum og sýna um leið gott fordæma og fara eftir reglunum? Það eru mjög margir þreyttir á ástandinu en við berum sameiginlega ábyrgð á að styðja hvort annað til að halda það út. Heilsa og hagur þjóðar veltur á því. Mér finnst súrt að sjá þetta þegar við vitum öll að til dæmis gamla fólkið okkar og langveikir einstaklingar geta ekki tekið „langþráð frí“. Það er hægt að hittast í garði heima með öruggri fjarlægð, það er hægt að fara í göngur og margt fleira. Meira að segja með vinkonunum,“ skrifar Inga Björk Margrétar Bjarnadóttir, formaður framkvæmdastjórnar Samfylkingarinnar,“ í athugasemd.
Selma nokkur tekur undir þetta og skrifar: „Sorry en þetta snýst ekki um að komast í langþráð frí, sitja á bar eða aðrir viðburðir og fólki kemur ekki við hvar þú verð þínum frítíma en fólk sem býr ekki á sama heimili og maður sjálfur þarf 2 metra reglan að gilda. Sumarfrí, helgarfrí eða aðrir viðburðir skiptir ekki máli. Ég bý ein og fólk sem ég hitti sama hvort eru börnin mín, systkini eða aðrir nánir ættingjar og vinir gildir 2 metra reglan og ég á alveg jafn yndislegar stundir með þeim. Manneskja i þeirri stöðu sem þú ert þarft að fylgja fyrirfyrirmælum sem gefin eru af ríkistjórninni og ert þú einn af ráðherrum þar sem tekur þátt í að gefa þau fyrirmæli.“
Þórður fer eftir öllum reglum
Á Twitter er djammið líka fordæmt af mörgum og má sjá nokkur dæmi um það hér fyrir neðan. Óskar Steinn Jónínuson Ómarsson, varaforseti Ungra jafnaðarmanna, bendir á að af samfélagsmiðlum Þórdísar að dæma þá hafi hún fengið talsvert fríi í sumar.
Gott að ráðherra hafi fengið langþráðan frídag í gær eftir að hafa varið öllum júlímánuði í að ferðast um landið. pic.twitter.com/fPm3n3JbvF
— 🌏🌹 óskar steinn 🌹🌍 (@oskasteinn) August 16, 2020
Ég hef farið eftir þessu í einu og öllu. Hélt barnaafmæli með 2m milli mismunandi ömmu og afa. Ekki vegna þess að mig langaði til þess, eða vegna þess að ég sé eitthvað sérstaklega smeykur. Bara að fylgja reglum. Er eitthvað smátt letur sem ég missti af? Er ég í ruglinu? pic.twitter.com/ubxk8NbRH1
— Þórður S. Júlíusson (@thordursnaer) August 16, 2020
Sama hér. Hef ekki hitt vinkonur né vini síðan reglur voru hertar. Finnst það mjög eðlilegt. Vorkenni fullt af fólki en ekki okkur fullfrísku sem getum bara ekki gert allt. Mjög slæmt ef skilaboðin frá ráðherra eru að þetta megi. Spennt að heyra upplýsingafundinn á morgun.
— Kristín Soffía (@KristinSoffia) August 16, 2020
Ein instagrammyndin af vinkonuhittingi ráðherra merkt samstarf við Icelandairhotel. Ekki fylgir sögu hvort hún borgaði sjálf fyrir sitt dekur & bröns en í sumum öðrum löndum væri það saga til næsta bæjar ef ferðamálráðherra færi í dekur í boði einnar stærstu hótelkeðju landsins
— Björg Sigurðardóttir (@bjorgksig) August 16, 2020
Sé fólk verja Þórdísi á galheimskulegan hátt. Samhengi:
1. Hún er ráðherra í ríkisstjórn sem setur okkur þessar sóttvarnareglur.
2. Og hæddist nýlega að hugmyndum um öflugri sóttvarnir á landamærum. Sagði að við þyrftum bara sjálf að gjörasvovel að fylgja reglunum innanlands!
— Olafur Kjaran Arnason (@kjamanden) August 16, 2020
Við erum ekki reiðir, Þórdís mín. Bara vonsviknir. pic.twitter.com/wZu6rqbL6T
— gunnare (@gunnare) August 16, 2020
Mér finnst Þórdís Kolbrún aðalega hafa sýnt fram á gífurlegt sjálfstæði með að lita ekki á sér hárið pic.twitter.com/2FjD7TZgif
— Saga Garðarsdóttir (@harmsaga) August 16, 2020
Ég er hjartanlega ósammála. Þú mátt bjóða vinkonum þínum heim til þín í mat, og þú mátt hitta þær á veitingastað. Það hefur margsinns komið fram. Fólk á auðvitað að passa sig og þeir sem vilja halda fjarlægð gera það eða jafnvel einangra sig. En fólk vegur og metur það sjálft.
— Gísli Marteinn (@gislimarteinn) August 16, 2020