Þórður Snær Júlíusson, ritstjóri Kjarnans gagnrýnir Moggann harkalega á Twitter í dag.
Framhaldsskólakennarinn og afar umdeildi bloggari, Páll Vilhjálmsson, hefur að undanförnu komið fram með þá samsæriskenningu að sá/sú sem eitraði fyrir Páli Steingrímssyni, skipstjóra og meðlim í „Skrímslasveit Samherja“, hafi verið starfsmaður Rúv eða að Rúv hafi að minnsta kosti verið í samkurli með þeirri seku manneskju. Sakar hann einnig Kjarnann um að hafa verið viðriðinn málið.
Þórður Snær ritaði eftirfarandi Twitter færslu eftir að hafa séð staksteina Morgunblaðsins.
„Bloggari hefur verið að ásaka mig og annað fólk um þátttöku í glæp með síendurteknum brjáluðum færslum. Allt er þetta ósatt og augljós meiðyrði. Í bloggarann ætla ég ekki að eyða meiri tíma. En ritstjórar Moggans ákveða að magna þetta upp með ömurlegasta fyrirvaranum. Botnfall.“
