- Auglýsing -
Framkvæmdastjóri UNODC, stofnunar Sameinuðu þjóðanna sem berst gegn skipulagðri glæpastarfsemi og gefur árlega út Worl Drug Report skýrsluna, segir að þjóðir heimsins þurfi að gera miklu meira en nú þegar er gert til að sporna gegn faraldri dauðsfalla vegna inntöku á ópíóðum og sterkum verkjalyfjum.
Sérstaklega er ástandið alvarlegt í Bandaríkjunum. Þar hafa tæplega 500 þúsund manns dáið úr of stórum skammti á sex árum, og ekkert bendir til þess að vandinn sé að minnka. Þrátt fyrir að umfangsmiklar aðgerðir lögreglu og yfirvalda – í hinu eilífa stríði gegn fíkniefnum – þá virðist ekkert benda til þess að vandinn sé að minnka.
Og það sem verst er: hann er að teygja sig vítt og breitt, meðal annars til Íslands. Sambærileg þróun hefur verið á Íslandi, þó tölurnar séu ekki eins ískyggilegar hér á landi og á verstu svæðunum í Bandaríkjunum. En í fyrra dóu 30 ungmenni úr of stórum skammti lyfja. Eftir sitja fjölskyldur með brostið hjarta og margar spurningar.
Fjallað er um málið í nýjasta tölublaði Mannlífs og á vef Kjarnans.