Þórólfur er bjartsýnn á að hjarðónæmi náist hér á landi eftir tvo mánuði

Mögulega gæti það tekið um einn og hálf­an til tvo mánuði að ná upp hjarðónæmi hér á Íslandi, miðað við for­send­ur um að 80% þjóðar­inn­ar þurfi að smit­ast af Covid-19 til að ná hjarðónæmi.

Svo mælti Þórólf­ur Guðna­son sótt­varna­lækn­ir á upp­lýs­inga­fundi al­manna­varna.

Mögulegt hjarðónæmi miðast við að fjöldi dag­legra smita verði svipaður og verið hef­ur; sagði Þórólfur að miðað við þessar forsendur sé lík­lega ekki langt í land að far­aldr­in­um fari að fatast flugið.

Hann sagðist vongóður um að betri tímar séu fram undan, en mik­il­vægt að halda vel á spil­un­um varðandi aflétt­ing­ar og að ekki skuli farið of hratt í þær; frekar í nokkr­um skref­um, ann­ars sé hætta á bak­slagi.

Þórólfur hvatti fólk með ein­kenni að fara í sýna­töku og sagði líka fáa þurfa að leggj­ast inn á gjör­gæslu vegna Covid 19.

Í dag er staðan sú að rúm­lega 90% sem eru að grein­ast eru smituð af Ómíkron.

Þórólfur vakti athygli á að upp­gjör Land­spít­al­ans hafi sýnt að al­var­leg­um veik­ind­um hef­ur fækkað með til­komu Ómí­kon-af­brigðis­ins og að það hafi komið í ljós að örvun­ar­bólu­setn­ing dreg­ur mjög úr al­var­leika Covid-19.