Þórólfur Guðnason: „Ég held að maður sé ekkert að hafa of miklar áhyggjur á þessu stigi“

Þórólfur Guðnason, sóttvarnalæknir, segist ekki hafa miklar áhyggjur af nýjum afbrigðum Kórónuveirunnar.

Undirafbrigði veirunnar fundust fyrst í Suður-Afríku en hafa nú greinst hér á landi. Ekki liggja fyrir nákvæmar upplýsingar um alvarleika undirafbrigðanna en Þórólfur segist vona að þau væru svipuð og Ómíkron, að bólusettir geti smitast en fengju vægari einkenni.

„Ég held að maður sé ekkert að hafa of miklar áhyggjur á þessu stigi,“ sagði Þórólfur í  samtali við Bítið á Bylgjunni í morgun. Hann segir þó að fylgst verði vel með þróun undirafbrigðanna og viðbúnaður sé til að bregðast skjótt við ef þess þarf.

Tveir liggja á Landsspítala með Kórónuveiruna.