- Auglýsing -
Þrír íslenskir karlmenn eru í haldi lögreglunnar í Danmörku grunaðir um að hafa hafa ráðist á strætisvagnstjóra. Þeir eru sagðir hafa tryllst þegar bílstjórinn bað þá um að setja upp grímu. RÚV greinir frá þessu og vitnar í danska fjölmiðla.
Tveir mannanna eru á þrítugsaldri og einn er um sextugt. Bílstjórinn þurfti að fara undir læknishendur en er ekki talinn í lífshættu. Mennirnir eru einnig grunaðir um að hafa framið þjófnað úr búðinni Dagli’Brugsen skömmu eftir hádegi.
„Hann hafði beðið þá um að vera með grímu og að þeir þyrftu að borga fyrir farið,“ hefur Jydske Vestkysten eftir lögreglunni.