Þrír ungir menn grunaðir um líkamsárás og ránstilraun

Um klukkan 22 í gærkvöldi fékk Lögreglan á höfuðborgarsvæðinu tilkynningu um líkamsárás og tilraun til ráns í Kópavogi. Í tilkynnningu frá lögreglu segir að þrír ungir menn hafi ráðist á annan mann og krafið hann um peninga.

Árásarþolinn komst frá árásarmönnunum til félaga síns, en ekki kemur fram hvort hann varð fyrir meiðslum. Málið er í rannsókn.