Þrjú börn og einn fullorðinn alvarlega slösuð

Þrjú börn á aldrinum 5 til 10 ára slösuðust alvarlega í bílslysinu fyrr í dag á Suðurlandi. Einn fullorðinn einstaklingur slasaðist einnig alvarlega.

Börnin voru flutt með með þyrlu Landhelgisgæslunnar á Landspítalann rétt fyrir klukkan 16, ásamt fullorðnum einstaklingi sem einnig lenti í slysinu, en slapp án teljandi meiðsla.

Vísir greinir frá.

Fullorðni einstaklingurinn sem slasaðist alvarlega og tveir aðrir sem eru minna slasaðir voru fluttir með annarri þyrlu gæslunnar eftir klukkan 16.

Slysið varð við Háöldukvísl á Skeiðarársandi á Suðurlandsvegi.